Алсын хараа
Ламын Гэгээний өв, сургаалд тулгуурлан буянт үйлсийг түгээн дэлгэрүүлж, хүний хөгжил, нийгмийн сайн сайханд бодит хувь нэмэр оруулах, олон нийтийн итгэл хүлээсэн тогтвортой институц болон төлөвшинө.
✦ VIII ДҮР ДАНЗАНЖАМБАЛЧОЙЖИШИНЭН ХУТАГТ
Ламын Гэгээний өв,
хойч үед үлдэх буянт үйлс
Шашин, соёлын өвийг хадгалан хамгаалж, хүний хөгжил, боловсрол, энэрэн нигүүлсэхүй, сайн үйлсийг тогтвортой түгээн дэлгэрүүлнэ.
Сан байгуулах үндэслэл
Монголын бурхны
шашны “Гурван зул”
Өндөр гэгээн Занабазар, Ламын Гэгээн Лувсанданзанжанцан, Зая гэгээн Лувсанпэрэнлэй нарыг хүндэтгэн “Гурван зул” хэмээн нэрлэдэг.
Анхдугаар Ламын Гэгээн Лувсанданзанжанцан
1639–1704Өндөр гэгээний “наран, саран мэт хоёр шавийн нэг” хэмээн алдаршиж, Монголын шашин, соёл, эрдэм ухааны хөгжилд үнэтэй хувь нэмэр оруулсан түүхэн хүн юм.
VIII дүр Данзанжамбалчойжишинэн хутагт
Энэтхэгийн Гомандацанд суралцаж, 2024 оноос Пенсильванийн их сургуульд шашин, соёл, гүн ухааны чиглэлээр магистрт суралцаж байна. 2028 онд эх орондоо ирэхээр төлөвлөж буй нь Ламын Гэгээний өв, номын үйл хэргийг орчин цагийн боловсрол, хүний хөгжил, олон улсын хамтын ажиллагаатай уялдуулан хөгжүүлэх шинэ боломж юм.
ГЭГЭЭРЭЛ
Бидний зорилго
Өв соёл, гэгээрэл,
хүмүүнлэг үйлс
Эрхэм зорилго
Шашин, соёлын өвийг хадгалан хамгаалж, судлан олон нийтэд таниулахын зэрэгцээ шашин, соёлын бүтээн байгуулалтыг дэмжиж, бясалгал, сэтгэл зүйн боловсрол, хүүхэд, залуучуудын хөгжил, сайн үйлсийн хөтөлбөрийг тогтвортой хэрэгжүүлнэ.
Гурван тулгуур
Гон Гандан Дэдлин хийд
Ламын гэгээний хийдийн
үйл ажиллагаа
Хийд өдөр тутмын хурал ном, уламжлалт зан үйл, ёслол, сургалт, бясалгал, өв соёлын судалгааг хамарсан байнгын үйл ажиллагаа явуулж, лам хуврагын боловсрол, иргэдийн сүсэг бишрэлийн орон болж байна.
Баянхонгор аймаг
Гон Гандан Дэдлин хийд
390 жилийн ойн тэргүүлэх ажил
20%
гүйцэтгэлтэй
Бүтээн байгуулалтыг бүрэн дуусгаж, 2029 оны ойгоор ашиглалтад оруулах зорилготой.
390
390 жилийн ой — 2029 он
Мэлмий гийсний 390 жилийн ойг угтан
гурван тэргүүлэх ажил
Жилийн төлөвлөгөө
Сайн үйлс, хөтөлбөр
Дэмжлэгийг жилд дөрвөн удаа — улирал тутам тогтмол хэрэгжүүлнэ.
1,000+
иргэнд тусламж
Бурхан багшийн Их дүйчэн өдрийг тохиолдуулан ахмад настан, хүүхэд болон дэмжлэг шаардлагатай иргэдэд тусламж үзүүлнэ.
1,000+
иргэн сургалтад
Сэтгэл зүйн боловсрол, бясалгал, зөв амьдрах ухааны сургалт, уулзалтад хамруулна.
Өв соёл
Томоохон ажил хэрэгжүүлэх
Жил бүр олон нийтийг хамарсан номын айлдвар, лекц зохион байгуулж, буддын гүн ухаан, зөв амьдрах ухааныг түгээнэ.
Улаан
Гэгээний улаан тэмээ
Баянхонгор аймагт тэмээний үүлдэр угсаа, тэмээн соёлыг хадгалан өвлүүлэх баярыг жил бүр уламжлал болгон дэмжинэ.
Сайн үйлс
Дэмжлэгийг дөрвөн үе шаттай хэрэгжүүлнэ
01
Хамрагдах иргэдийг тодорхойлох
Өрхийн нөхцөл, амьжиргаа, эрүүл мэнд, боловсрол, нийгмийн хэрэгцээнд үндэслэн сонгоно.
02
Хамтын оролцоог бүрдүүлэх
Иргэн, гэр бүл, аж ахуйн нэгж, байгууллага, сайн дурынхны оролцоо, нөөцийг нэгтгэнэ.
03
Дэмжлэг үзүүлэх
Хүнс, хувцас, ахуйн хэрэглээ, боловсрол, эрүүл мэнд, хөгжлийн сургалтыг улирал тутам хүргэнэ.
04
Үр дүнг тайлагнах
Хамрагдсан иргэдийн тоо, үзүүлсэн дэмжлэг, үр дүнг хэмжиж, ил тод тайлагнана.
Бясалгал, зөв амьдрах ухаан
“Маань хөгжөөх”
Бямба гараг бүр
18:00–19:00
2026 оны 9 дүгээр сараас Баянхонгор аймгийн Гон Гандан Дэдлин хийдэд уламжлалт “Маань хөгжөөх” зан үйлийг сэргээн, хийдийн байнгын үйл ажиллагааны хөтөлбөр болгон хэрэгжүүлнэ.
Зан үйлийг бясалгал, сэтгэлийн төвлөрөл, энэрэн нигүүлсэхүй, зөв амьдрах ухаантай уялдуулан иргэдийн дотоод амар амгалан, эерэг хандлагыг төлөвшүүлнэ.
Мэдээлэл
Үйл явдлууд
✦ Хамтын буянт үйлс
Хамтдаа бүтээх буянт үйлс,
хойч үед үлдэх өв
Энэ бол нэг удаагийн ажил бус, олон үе дамжин үр шимээ өгөх үйл хэрэг. Мэдлэг, туршлага, сэтгэл, нөөц боломжоо нэгтгэн Монголын шашин, соёл, үндэсний үнэт зүйлийг хамгаалан өвлүүлэхэд хамтдаа хувь нэмэр оруулъя.